Աշխատանքային ծրագրով նախատեսված աշխատանքների համառոտ նկարագիրը՝
Ակնկալվում է փորձագետի կողմից ոլորտային ուսումնասիրությունների իրականացում, համապատասխան ոլորտներում ապրանքային շուկաների հատկորոշում: Հատկորոշված ապրանքային շուկայի կազմի և կառուցվածքի ուսումնասիրություն: Ապրանքային շուկայի մասնակից տնտեսավարող սուբյեկտների կողմից վարվող գնային քաղաքականության և գնագոյացման, ինչպես նաև վերջիններիս կողմից ապրանքային շուկայում դրսևորած վարքագծի ուսումնասիրություն:
Ապրանքային շուկաների մրցակցային միջավայրի գնահատմանն ուղղված առաջարկների ներկայացում և գնահատում: Համապատասխան ոլորտային ուսումնասիրության ընթացքում իրականացված վերլուծությունների շրջանակներում ամփոփ տեղեկանքների կազմում:
Ակնկալվում է նաև առանձին ոլորտային ուսումնասիրությունների շրջանակներում տվյալ ոլորտը կարգավորող իրավական դաշտի ուսումնասիրություն և վերլուծություն, միջազգային փորձի ուսումնասիրություն, միջազգային կարգավորումների հետ համադրում, ինչպես նաև Կանոնադրությամբ նախատեսված՝ Վարչության գործառույթների իրականացման համար անմիջական ղեկավարի կողմից հանձնարարված այլ աշխատանքների կատարում:
Նշված պաշտոնը զբաղեցնելու համար պահանջվում է`
- բարձրագույն կրթություն՝ տնտեսագիտություն կամ իրավագիտություն կամ կառավարում կամ մարքեթինգ մասնագիտությամբ․
- հայերեն, ռուսերեն և անգլերեն լեզուների տիրապետում․
- համակարգչով և ժամանակակից այլ տեխնիկական միջոցներով աշխատելու ունակություն։
Փորձագետ ներգրավելու ժամկետն է՝ մեկ տարի:
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում
- տվյալ պաշտոնը զբաղեցնելու համար մասնագիտական գիտելիքների պահանջների բավարարումը հավաստող փաստաթղթերի դիպլոմ(ների), վկայական(ների) պատճենները և բնօրինակները
- արական սեռի անձինք նաև զինգրքույկ կամ դրան փոխարինող ժամանակավոր և զորակոչային տեղամասին կցագրման վկայական
- հայտարարություն՝ նշված սահմանափակումների բացակայության մասին
- մեկ գունավոր լուսանկար 3X4 սմ չափսի
- անձնագրի պատճենը (առաջին և գրանցման էջերով):
Փաստաթղթերը ընդունվում են ամեն օր:
Դիմումների ընդունման վերջին ժամկետն է 03.10.2025 թ.
Ընտրություն կատարելու եղանակը՝ դիմում ներկայացրած քաղաքացիների փաստաթղթերի ուսումնասիրություն։
Աշխատանքի վայրը՝ ք. Երևան Տիգրան Մեծի 4 շենք, հեռ. 060-830-840 (261), էլեկտրոնային փոստի հասցե՝ hrmd@competition.am։
