Սիրելի՛ գործընկերներ և շահագրգիռ կազմակերպություններ,
2025 թվականի հուլիսի 3-ին Ազգային ժողովը ընդունեց սպառողների շահերի պաշտպանության համակարգի բարեփոխումների փաթեթը, որը կարևոր քայլ է մեր երկրում սպառողների իրավունքների ամրապնդման համար։
Այս փոփոխությունների շնորհիվ Մրցակցության պաշտպանության հանձնաժողովը վերանվանվել է Մրցակցության և սպառողների շահերի պաշտպանության հանձնաժողովի, ձեռք բերելով նաև սպառողների հավաքական շահերի պաշտպանության լիազորությունները։
Մենք հավատում ենք, որ սպառողների շահերի պաշտպանության ոլորտում առավել ներառական համակարգ ձևավորելու և նրանց իրավունքների պաշտպանության մակարդակը բարձրացնելու համար անհրաժեշտ է համատեղ ջանքեր ներդնել։
Հետևաբար, սիրով համագործակցության ենք հրավիրում բոլոր այն հասարակական կամ իրավաբանական օգնություն տրամադրող կազմակերպություններին, որոնք կցանկանային մաս կազմել այս կարևոր առաքելությանը։
Ինչպես համագործակցել մեզ հետ. հիմնական պայմանները
- Նպատակային ուղղվածություն: Ձեր կազմակերպության կանոնադրական նպատակներից մեկը պետք է լինի սպառողների շահերի պաշտպանությունը կամ իրավաբանական օգնության տրամադրումը։
- Թափանցիկություն: Ձեր կազմակերպությունը պետք է ունենա կայք կամ սոցիալական ցանցերում օգտահաշիվ, որտեղ ամբողջությամբ և հայերեն ներկայացված է իր գործունեության մասին տեղեկատվությունը։
- Անմիջական ներգրավվածություն: Հանձնաժողովը ձեզ կուղարկի «Սպառողի օգնական» համակարգի միջոցով ստացված չլուծված բողոքները, որոնց ընթացքի մասին հարկ կլինի պարբերաբար տեղեկացնել։
Միացե՛ք մեզ՝ կառուցելու ավելի արդար և պաշտպանված միջավայր մեր սպառողների համար։
Համագործակցելու համար խնդրում ենք դիմել info@competition.am էլ. հասցեով կամ զանգահարել 060 830 840 հեռախոսահամարով։
Մանրամասները՝ այստեղ։
