Մրցակցության պաշտպանության հանձնաժողովի նախագահ Գեղամ Գևորգյանը զեկույցով է հանդես եկել 2024 թվականի պետական բյուջեի քննարկումների շրջանակում:
Ելույթի հիմնական շեշտադրումներն են՝
🔷Հանձնաժողովը յուրաքանչյուր տարի իրականացնում է լայն սպառում ունեցող պարենային և ոչ պարենային նշանակության ապրանքների և ծառայությունների 5 ապրանքային շուկայի ուսումնասիրություն:
🔷Հանձնաժողովը տնտեսական մրցակցության իրավիճակը գնահատելու համար իրականացնում է թվով 100 ուսումնասիրություն՝ Հայաստանի Հանրապետությունում արդյունավետ մրցակցային միջավայրի ձևավորման և տնտեսական մրցակցության պաշտպանության օրենսդրության դրույթների պահպանման նկատմամբ ընթացիկ հսկողություն իրականացնելու նպատակով։
🔷ՄՊՀ-ն հանդես է եկել 2 օրենսդրական նախաձեռնություններով՝ մատակարարված ապրանքների դիմաց ուշ վճարումների և զեղչերի կամ այլ ակցիաների ոլորտի կարգավորումների վերաբերյալ:
🔷2023 թվականի ընթացքում կայացել է 56 նիստ և Հանձնաժողովի կողմից ընդունվել է 459 որոշում:
🔷 ՄՊՀ կողմից տնտեսվարող սուբյեկտների նկատմամբ կիրառվել է և 2023 թվականի հոկտեմբերի 30-ի դրությամբ բյուջե է մուտքագրվել 111,867.44 հազար դրամ տուգանք:
🔷 Կրթական համակարգում ներդրվել են մրցակցության պաշտպանության ակադեմիական ծրագրեր:
