Մրցակցության պաշտպանության հանձնաժողովը հրապարակել է 2022 թվականի գործունեության հաշվետվությունը, որում ներկայացված են նախորդ տարում կատարված աշխատանքների հիմնական արդյունքները:
Հաշվետվությամբ առանձին բաժիններով ներկայացված են առավել ուշագրավ վարույթների նկարագրությունը, 5 ապրանքային շուկաներում կատարված ոլորտային ուսումնասիրությունները, կանխարգելիչ միջոցառումներին ու հանրային իրազեկմանը, միջազգային համագործակցությանն ուղղված աշխատանքները: Անդրադարձ է կատարվել 2023 թվականի առաջնահերթություններին:
2022 թվականին հարուցվել է մրցակցային իրավախախտումների վերաբերյալ 142 վարույթ, որից 98-ը՝ հանձնաժողովի նախաձեռնությամբ, 44-ը՝ հաղորդումների հիման վրա, պատասխանատվության միջոցներ են կիրառվել 91 տնտեսավարող սուբյեկտների նկատմամբ, իրավախախտումների համար նշանակվել է 626.8 մլն դրամ ընդհանուր տուգանք:
Հաշվետվությունը հասանելի է հետևյալ հղմամբ՝ https://competition.am/wp-content/uploads/2023/05/annul-report-2022.pdf :
