Թթվասերին երկու արտադրող բուսական յուղ է խառնել, հայտարարեց Մրցակցության պաշտպանության հանձնաժողովը։ Փաստը բացահայտվել է լաբորատոր հետազոտությամբ, ստուգվել է տարբեր ֆիրմաների դեկտեմբերի 19-ի արտադրության 40 անուն կաթնամթերք, մանրամասնում են կառույցից։
Արեգ Հովհաննիսյան (ՄՊՀ անբարեխիղճ մրցակցության վերահսկողության վարչության պետ) – Երկու տնտեսվարող սուբյեկտների նկատմամբ կիրառվել է պատասխանատվության միջոց, դրանք են՝ «Արզնի կաթնամթերք» և «Ապարանի պանրի գործարան» ընկերությունները, որոնց կողմից արտադրված թթվասերում հայտնաբերվել է բուսական յուղ:
Հանձնաժողովը սա որակել է հասարակության մոլորեցման դրսևորմամբ անբարեխիղճ մրցակցություն։ Երկու ընկերությունն էլ ընդունել է իրավախախտումը, դիմել արագացված վարույթի և տուգանվել:
