Մրցակցության պաշտպանության հանձնաժողովի անդամ Տիգրան Մարկոսյանը Factor.TV-ի հետ զրույցում ներկայացրել է ակցիաների, այդ թվում՝ զեղչի կիրառման ոլորտի՝ Հանձնաժողովի առաջարկած օրենսդրական բարեփոխումների մանրամասները: Մասնավորապես՝
- Առևտրի և ծառայությունների մասին օրենքով կսահմանվի՝ ինչ է ակցիան, ինչպես և երբ կարող է կիրառվել։
- Նախագծով զեղչի հաշվարկի համար ելակետ պետք է դառնա ապրանքի վերջին 1 ամսվա վաճառքի միջինացված գինը։ Կարգավորման նպատակն է բացառել ապրանքը նախապես թանկացնելու, հետո՝ զեղչելու դեպքերը։
- Զեղչը ժամանակային սահմանափակում կունենա։ Զեղչված արժեքը կարող է գործել առավելագույնը 3 ամիս։ Նույն ապրանքը տարվա ընթացքում կարող է զեղչվել առավելագույնը 3 անգամ, յուրաքանչյուր անգամ զեղչի տոկոսը պետք է հաշվարկվի նախորդ գնի համեմատ։
- Զեղչի առավելագույն հայտարարված չափով պետք է զեղչված լինի ապրանքների նվազագույնը 20 տոկոսը:
