Թռչնամիս, մասնավորապես հավի միս մեր երկրում սկսել են ավելի շատ արտադրել, սակայն ներմուծումը շարունակում է զգալիորեն գերազանցել տեղական արտադրությունը: 2020 թվականին Հայաստանում սպառվել է ավելի քան 42 հազար տոննա հավի միս, որից միայն 13000 տոննան է տեղում արտադրվել:
Ի՞նչն է խոչընդոտում տեղական արտադրությանը: Հարցը քննարկվել է Մրցակցության պաշտպանության հանձնաժողովում էկոնոմիկայի նախարարության ներկայացուցիչների, տնտեսավարողների, ՄՊՀ հասարակական խորհրդի անդամների մասնակցությամբ:
