Այսօր ՀՀ Էկոնոմիկայի նախարարությունում ստորագրվել է փոխհամագործակցության հուշագիր` ՀՀ հանրային ծառայությունները կարգավորող հանձնաժողովի և ՀՀ տնտեսական մրցակցության պաշտպանության պետական հանձնաժողովի միջև: Հուշագիրը մշակվել է համաձայն 2009 թ. դեկտեմբերի 1-ին վարչապետ Տիգրան Սարգսյանի մոտ կայացած քննարկումների արդյունքում ձեռք բերված պայմանավորվածության: Հուշագրի ստորագրմամբ Հայաստանում միջգերատեսչական համագործակցության նոր մշակույթի հիմք է դրվել:

 

Հուշագիրն ուղղված է ՀՀ տարածքում էլեկտրոնային հաղորդակցության ոլորտի արդյունավետ կարգավորմանը, ոլորտում արդար և բաց մրցակցության երաշխավորմանն ու տնտեսվարող սուբյեկտների ու սպառողների շահերի պաշտպանությանը, ինչպես նաև տնտեսական ներդրումների համար բարենպաստ միջավայրի ապահովմանը: