SCPEC
Հայ Eng Рус
Սկիզբ|Հետադարձ կապ|ՀՏՀ|Կայքի քարտեզ
 Փնտրել
Նորություններ
Մամուլի հաղորդագրություններ
Մամուլը մեր մասին
Հայտարարություն և առցանց հարցում
Ելույթներ
Ինտերնետ-հարցազրույցներ
Հարցեր մամուլի քարտուղարին
Ֆոտոարխիվ

ՀՀ ՏՄՊՊՀ-ը կազմավորվել է 2001 թվականին

ՄԱԿ-ի գնահատման 6-րդ համաժողով

Հայաստան.փորձագիտական գնահատման զեկույց

Հայաստանի Հանրապետությունը հանդիսանում է հակամենաշնորհային քաղաքականության միջպետական խորհրդի անդամ

ՀՔՄԽ 44-րդ հերթական նիստ, 13-15 ապրիլ 2016, ք.Երևան


Հայաստանի Հանրապետությունը հանդիսանում է Միջազգային մրցակցության ցանց կազմակերպության անդամ

ՄՄՑ 16-րդ տարեկան համաժողովը
Ստացեք Adobe Reader
 
Նորություններ
ԵՄ Թվինինգ ծրագրի շրջանակներում տեղի ունեցավ հերթական կլոր սեղան-քննարկումը՝ մրցակցության և պետական օժանդակության թեմայով
 
 
 
 
ԵՄ ԹՎԻՆԻՆԳ
AM/09/ENP-PCA/TP/05
Մրցակցային և պետական օժանդակության օրենսդրության
կիրարկման հզորացումը Հայաստանում
 
 
 
 
 
Մրցակցությանն ու պետական օժանդակությանն առնչվող ԵՄ Թվինինգ ծրագրի շրջանակներում այսօր՝ հունիսի 17-ին Երևանում տեղի ունեցավ հերթական կլոր սեղան-քննարկումը՝ մրցակցության և պետական օժանդակության թեմայով: Լիտվայից և Գերմանիայից ժամանած միջազգային փորձագետները ՀՀ տնտեսական մրցակցության պաշտպանության պետական հանձնաժողովի հետ համատեղ կազմակերպված կլոր սեղան-քննարկման ժամանակ ներկայացրեցին հանրային մեծ հետաքրքրություն ներկայացնող հարցերի վերաբերյալ միջազգային փորձն ու  գնահատականները:
 
Մի շարք երկրներում մրցակցային մարմինները ունեն նույն լիազորությունները, ինչ իրավապահները
 
Փորձը ցույց է տալիս, որ Հայաստանում տնտեսվարողների կողմից թույլ տրվող չարաշահումների առումով քիչ չեն նաև հակամրցակցային համաձայնությունների դեպքերը: Թեմայի վերաբերյալ զեկույցով հանդես եկավ   Գերմանիայի մրցակցության մարմնի փորձագետ պարոն Թեմմեն՝ ներկայացնելով ոլորտի վերաբերյալ մասնավոր դեպքեր և բացահայտումներ միջազգային փորձից: Իր խոսքում փորձագետն անդրադարձավ մասնավորապես մրցակցային մարմինների լիազորություններին, քանի որ դրանք չափազանց կարևոր են չարաշահում թույլ տված տնտեսվարողի վարքագծի ուսումնասիության համար: Պարոն Թեմմեն նշեց, որ, օրինակ, Գերմանիայի մրցակցային մարմինը  իրավասու է օրենքի խախտման մեջ մեղադրվող տնտեսվարողների մոտ իրականացնել լայնածավալ հետաքննություն և, ըստ էության, իրենք այս մասով ունեն նույն լիազորությունները, ինչ իրավապահ մարմինները: Փորձագետը հավելեց, որ Գերմանիայի մրցակցային մարմինը կարող է կատարել նաև գաղտնի և անակնկալ այցեր, ինչի համար հարկավոր է միայն հիմնավորել նման հետաքննության նպատակը և դատարանից ստանալ համապատասխան թուլտվություն: Պարոն Թեմմեն նշեց, որ տնտեսվարողները ևս զգուշանում են իրենց անակնկալ այցերից, նրանք իրենց արտադրամասերի շուրջ բարձր պատնեշներ են կառուցում, կամ ուժեղացնում են անվտանգության համակարգերը:
Հարցի հետ կապված՝  Լիտվայի մրցակցության խորհրդի անդամ Ժուրատ Սովիենն էլ ընդգծեց, որ իրենք ևս ունեն նման լիազորություններ և առանց դրանց մրցակցային մարմնի համար խիստ դժվար կլինի հայտնաբերել օրինախախտներին և ապացուցել նրանց մեղքը:
 
Հիշեցնենք, որ «Տնտեսական մրցակցության պաշտպանության մասին» օրենքի փոփոխություններով նախատեսվում էր ընդլայնել Հանձնաժողովի լիազորությունների շրջանակը և ՏՄՊՊՀ-ին ևս օժտել ստուգումներ անցկացնելու լիազորությամբ: Այս կետը չընդունվեց  ԱԺ մեծամասնության կողմից այն մեկնաբանությամբ, որ նման ստուգումների լիազորությամբ օժտված է Պետական եկամուտների կոմիտեն և անհրաժեշտության դեպքում կարող է տեղեկատվություն տրամադրել Հանձնաժողովին:
 
Գերիշխող դիրք և գերիշխող դիրքի չարաշահում
 
Կլոր սեղան-քննարկման ընթացքում արծարծվեցին նաև հետևյալ հարցերը. ինչպես գնահատել արդյո՞ք տնտեսվարողը տվյալ շուկայում գերիշխող դիրք գրավում է, թե ոչ, արդյո՞ք այդ վարքագիծը համարվում է չարաշահում, թե ոչ, որո՞նք են չարաշահման դրսևորումները եւ որո՞նք կարող  են հանդիսանալ ‹‹բարձր›› գների պատճառները: Այս հարցերի վերաբերյալ իր տեսակետները զեկույցում ներկայացրեց Լիտվայի մրցակցության խորհրդի անդամ Ժուրատ Սովիենը` ներկայացնելով ԵՄ փորձը:
 
ՀՀ տնտեսական մրցակցության պաշտպանության պետական հանձնաժողովը պարբերաբար ուսումնասիրություններ է անցկացնում ապրանքային շուկաներում, որի ընթացքում գնահատական է տրվում նաև այս կամ այն տնտեսվարողի՝ շուկայում զբաղեցրած դիրքին: Այս հարցի հետ կապված հասարակական ընկալումը միանշանակ չէ և երբեմն գերիշխող դիրքի չարաշահումը ընկալվում է որպես ոչ օրինական: Հարկ է նաև նշել, որ իրենք՝ տնտեսվարողներն էլ ոչ միշտ են ընդունում, որ գերիշխող դիրք են զբաղեցնում:
 
Պետական օժանդակություն. Որքանո՞վ են օրինական պետության կողմից այս կամ տնտեսվարողին տրվող արտոնությունները
Հայաստանում տարբեր ոլորտների տնտեսվարողները հաճախ են օգտվում պետական օժանդակությունից, որը կատարվում է հիմնականում ֆինանսական աջակցության կամ հարկային արտոնության տեսքով: Պետական օժանդակության ոլորտը խիստ կարևոր է, քանի որ ֆինանսապես աջակցելով մի տնտեսվարողի, հնարավոր է, որ անհավասար պայմաններ ստեղծվեն նույն գործունեությամբ զբաղվող այլ սուբյեկտների համար:  Հայաստանում պետական օժանդակության վերահսկողության նշանակության վերաբերյալ զեկույցով հանդես եկավ Թվինինգ ծրագրի մշտական խորհրդատու Գունդա Շումանը, ով ներկայացրեց նաև թեմայի վերաբերյալ միջազգային տեսակետները:
Թե ինչպիսի մեխանիզմներ պետք է կիրառվեն պետական օժանդակության վերահսկողության առումով, քննարկման մասնակիցներին տեղեկացրեց Լիտվայի մրցակցության խորհրդի անդամ պրն Սեմնոլոնսկիսը:

ԵՄ Թվինինգ ծրագիր. Նման քննարկումները կրելու են շարունակական բնույթ
 
Տեղեկացնենք, որ մրցակցությանն ու պետական օժանդակությանն առնչվող  Թվինինգ ծրագիրն իրականացում է ՀՀ տնտեսական մրցակցության պաշտպանության պետական հանձնաժողովի եւ ԵՄ երկու անդամ պետությունների` Գերմանիայի Դաշնային Հանրապետության Էկոնոմիկայի եւ տեխնոլոգիայի դաշնային նախարարության եւ Լիտվայի Հանրապետության մրցակցության խորհրդի հետ համատեղ՝  2011-2013 թվականներին: Իրականացվող ծրագրի վերջնական նպատակը ՀՀ-ում մրցակցային միջավայրի բարելավումն ու ՏՄՊՊՀ կիրարկման կարողությունների հզորացումն է:

 
17/06/2011
 2011
 Հունիս
 
 
This website was developed with the assistance of the United States Agency
for International Development (USAID).
The views expressed do not necessarily reflect those of the United States Agency for International Development or the United States Government.