2021 թվականի սեպտեմբերի 17-ին, ժամը 09:30-ին «Արմենիա Մարիոթ» հյուրանոցի «Արարատ» սրահում տեղի կունենա Մրցակցության պաշտպանության հանձնաժողովի 20-ամյակին նվիրված միջոցառումը:
Մրցակցության պաշտպանության հանձնաժողովի նախագահ Գեղամ Գևորգյանը մասնակցել է Բելառուսի Հանրապետության հակամենաշնորհային կարգավորման և առևտրի նախարարության 5-ամյակին նվիրված «Հակամենաշնորհային կարգավորում՝ պետության և հասարակության շահերի հավասարակշռության ապահովումը» խորագրով միջազգային տեսահամաժողովին:
«Բանբեր Արդարադատության ակադեմիայի» գիտագործնական հանդեսի 2021 թվականի 5-րդ համարում հրապարակվել է «Նորմատիվ իրավական ակտերի «հորիզոնական» աստիճանակարգության հիմնախնդիրները Հայաստանի սահմանադրաիրավական կարգավորումների համատեքստում» վերտառությամբ հոդվածը, որում անդրադարձ է կատարվել Հայաստանի իրավական համակարգում նորմատիվ իրավական ակտերի աստիճանակարգությանն առնչվող մի շարք կարևոր հարցադրումների:
«Գիտական Արցախ» պարբերականի 2021 թվականի 1-ին (8-րդ) համարում հրապարակվել է «Եվրասիական տնտեսական միության մարմինների նորմատիվ իրավական ակտերի կիրառման հիմնախնդիրները Հայաստանի Հանրապետությունում» վերտառությամբ հոդվածը, որում անդրադարձ է կատարվել Հայաստանի Հանրապետությունում այդ ակտերի կիրառմանն առնչվող մի շարք կարևոր հարցադրումների
Հրապարակվել է «Ինքնավարության իրավական բովանդակությունը և ինքնավար մարմինների առանձնահատկությունները Հայաստանի Հանրապետությունում» վերտառությամբ հոդվածը, որում անդրադարձ է կատարվել ինքնավար մարմիններին, այդ թվում՝ ՏՄՊՊՀ-ին առնչվող մի շարք կարևոր հարցադրումների:
Մրցակցության պաշտպանության հանձնաժողովի նախագահ Գեղամ Գևորգյանն այսօր ընդունել է Արցախի Հանրապետության հանրային ծառայությունները եւ տնտեսական մրցակցությունը կարգավորող պետական հանձնաժողովի նախագահ Գևորգ Գրիգորյանին: Հանդիպմանը մասնակցում էին նաև ՀԾՏՄԿՊՀ նախագահի տեղակալ Սերգեյ Գրիգորյանը, ՄՊՀ անդամ Հայկ Կարապետյանը և գլխավոր քարտուղարի տեղակալ Դավիթ Հովհաննիսյանը:
Մրցակցության պաշտպանության հանձնաժողովի 20-ամյակի առթիվ այսօր տեղի է ունեցել համաժողով, որին մասնակցել են և ողջույնի խոսքով հանդես են եկել ՀՀ փոխվարչապետ Մհեր Գրիգորյանը, ԱԺ նախագահի տեղակալ Հակոբ Արշակյանը, Եվրասիական տնտեսական միության դատարանի նախագահ Էռնա Հայրիյանը, ԵՏՀ մրցակցության և հակամենաշնորհային կարգավորման հարցերով կոլեգիայի անդամ Արման Շակկալիևը, Վրաստանի ազգային մրցակցային գործակալության նախագահ Իրակլի Լեկվինաձեն:
ՀՀ տնտեսական մրցակցության պաշտպանության պետական հանձնաժողովի անդամ Տիգրան Մարկոսյանը Sputnik Արմենիայի հետ զրույցի ընթացքում անդրադարձել է «Տնտեսական մրցակցության պաշտպանության մասին» օրենքի փոփոխություններին։
